News Search
Home News Dictionary TV Channels Names Weather Live Cricket Videos Photos Results Naats
Home Taza Tareen
افغان فورسز کی چمن میں بلااشتعال فائرنگ، 1 شہری شہید، 18 افراد زخمی     چمن بارڈر پر افغان فورسز کی فائرنگ، 4 ایف سی جوان زخمی، آئی ایس پی آر     راجن پور: تھانہ محمد پور کی حدود میں فائرنگ،4افراد جاں بحق 1زخمی     وزیراعظم کا ویژن پاکستان کو لوڈ شیڈنگ فری بنانا ہے، عابد شیرعلی     آخری دن میزبان بولنگ کا ہمارے پاس جواب نہ تھا، مصباح الحق     بارباڈوس:ویسٹ انڈیزکےہاتھوں پاکستان کوعبرتناک شکست     سرحد پار سے مردم شماری ٹیم پر فائرنگ، چمن سرحد بند     ’مکی‘ اور ’منی‘ حقیقی زندگی میں میاں بیوی تھے     پاناما کیس، سپریم کورٹ کا آج ہی جے آئی ٹی تشکیل دینے کا فیصلہ     پنجاب: مختلف اضلاع میں سرچ آپریشن، 41 افراد گرفتار     
Urdu News
Maulana Tariq Jamil
a
Naat Khawan
Amjad Sabri Farhan Ali Qadri
Fasih Uddin Soharwardi Ghulam Mustafa Qadri
Imran sheikh Attari Junaid Jamshed
Owais Raza Qadri Shahbaz Qamar Faridi
Syed Mohammad Furqan Qadri Ummeh Habiba
Waheed Zafar Qasmi Zulfiqar Ali
UrduWire Names Directory
Muslim Names Arabic Names
Muslim Boy Names Muslim Girl Names
Pictures Gallery
Cleaning The Kaaba Area - One Of The Best Jobs In The World Cleaning The Kaaba Area - One Of The Best Jobs In The World
Dream World Water Park Resort Hotel Ticket & Membership Price 2017 Karachi Dream World Water Park Resort Hotel Ticket & Membership Price 2017 Karachi
Cosy Water Park Karachi - Cozy Ticket Price 2015 & Location Pictures Cosy Water Park Karachi - Cozy Ticket Price 2015 & Location Pictures
View all Pictures

 

Home >> Urdu News >> Voice Of America Urdu
سائنس اور ٹیکنالوجی Share your views
دنیا کے پانچ آلودہ ترین شہر جنوبی ایشیا میں ہیں [وائس آف امریکہ اردو] 05 May, 2017

پاکستان کا سب سے بڑا شہر کراچی دنیا کے آلودہ ترین شہروں کی فہرست میں پانچویں درجے پر ہے۔ آلودگی کا بڑا سبب کچرے کے ڈھیر۔ صنعتوں اور گاڑیوں کا دھواں اور ناصاف پانی ہے۔

انجم گل

دنیا کے دس آلودہ ترین شہروں میں سے پانچ جنوبی ایشیا میں ہیں۔ ان میں بھارتی دارالحکومت نئی دہلی اور تاریخی شہر گوالیار پاکستان کا سب سے بڑا شہر کراچی، بنگلہ دیشی دارالحکومت ڈھاکہ اور ممبئی شامل ہیں۔

غلیظ اور آلودہ ترین شہروں کی فہرست میں پہلے نمبر پر بھارتی صدرمقام نئی دہلی، دوسرے پر بھارت ہی کا تاریخی شہر گوالیار، تیسرے پر افریقی ملک ایتھوپیا کا دارالحکومت ادیس ابابا، چوتھے پر لاطینی امریکہ کے ملک میکسیکو کا شہر میکسیکو سٹی اور پانچویں نمبر پر پاکستان کا سب سے بڑا شہر کراچی ہے۔

اس فہرست میں چھٹے نمبر پر لاطینی امریکہ کے ایک ملک، ہیٹی کاصدر مقام پورٹ او پرنس ، ساتویں درجےپر افریقی جزیرے مڈغاسکر کا شہر اینٹا نانارِیوو ، آٹھویں نمبر پر بنگلہ دیش کا دارالحکومت ڈھاکہ، نویں پر وسط ایشیائی ملک آزربائیجان کا دارالحکومت باکو، اور دسویں پر بھارت ہی کا ایک اور شہر ممبئی ہے۔

کسی شہر کے صاف ستھرا ہونے کا کیا پیمانہ ہو سکتا ہے۔ ماہرین نے اس سلسلے میں عوامل کا تعین کیا ہے ۔جن میں ماحولیاتی آلودگی، کوڑا کرکٹ ٹھکانے لگانے اور صفائی ستھرائی کا انتظام ، دھواں اور مضر صحت گیسوں کی سطح اور قدرتی آفات کے بعد آلودگی سے مسائل شامل ہیں

یہ فہرست مرسر کی سالانہ ہیلتھ اینڈ سینی ٹیشن انڈیکس، اور ورلڈ ہیلتھ آرگنائزیش کی رپورٹوں پر مشتمل ہے جس میں 2008 سے 2013 تک کے عرصے میں دنیا کے1600 سو منتخب شہروں کا جائزہ لیا گیا ۔

فہرست میں پہلا نمبر بھارتی دارالحکومت نئی دہلی کا ہے۔ رپورٹ میں کہا گیا ہے کہ دہلی کے بنیادی مسائل میں، ماحولیاتی آلودگی، اور اس کا گنجان آباد ہونا ہے۔ رپورٹ میں شہر کے اندر بہنے والے دریا میں تیرتے کوڑا کرکٹ، اور زہریلے مواد کا ذکر کیا گیا ہے ۔ ایک اور رپورٹ کے مطابق شہر کا جغرافیہ، افزائش کی شرح، اور نا سازگار موسموں نے ماحولیاتی آلودگی کی سطح خطرناک حد تک پہنچا دیا ہے۔

بھارتی ریاست مدھیہ پردیش کے تاریخی شہر گوالیار میں بھی، ماحولیاتی آلودگی کی سطح عالمی معیاروں سے بہت بلند ہے۔ جس کا سبب کوئلے کے بجلی گھر، موٹر گاڑیوں کا دھواں اور کھانے پکانے کے لیے گوبر کا ایندھن کے طور پر استعمال ہے۔

ایتھوپیا کے شہر ادیس ابابا میں صفائی ستھرائی کا نظام تقریبا مفقود ہے۔ کچرے اور گندے پانی کےنکاس اور صفائی ستھرائی کا کوئی موثر پروگرام نہ ہونے کی وجہ سے نوزائیدہ بچوں کی شروح اموات خاصی بلند ہے۔ ایک ویب سائٹ ٹرپ ایڈویئزر میں لکھا ہے کہ ادیس ابابا میں ہر طرف گندگی اور دھول ہے۔ پینے کا صاف پانی آسانی سے نہیں ملتا۔ ادیس ابابا کو افریقہ کا سفارتی دارالحکومت بھی کہا جاتا ہے۔ تاہم حالیہ دو برسوں میں وہاں صفائی ستھرائی کی صورت حال میں قدرے بہتری دیکھنے میں آئی ہے۔

لاطینی امریکہ کے ملک میکسیکو کا شہر میکسیکو سٹی ، سطح سمندر سے 7350 فٹ بلند ہے، اس لئے فضا میں آکسیجن کی مقدار قدرے کم ہے۔ شہر کی سڑکوں پر روزانہ 36 لاکھ موٹر گاڑیاں چلتی ہیں، جن کی ایک کثیر تعداد ڈیزل گاڑیوں کی ہے جو فضا میں زہریلا دھواں پھینک رہی ہیں۔ پہاڑوں میں گھرا ہونے کی وجہ سے شہر سے ہوا کا گذر کم کم ہوتا ہے جس کی وجہ سے دھوئیں اور دھند کی ایک گہری اور موٹی تہہ ہر وقت چھائی رہتی ہے۔

اور اب بات ہو جائے کراچی کی جسے کبھی روشنیوں کا شہر کہا جاتا تھا۔ پاکستان کے اِس سب سے بڑے شہر کے کئی علاقے بہت آلودہ ہیں، اور وہ ہر وقت دھوئیں اور دھند سے گھرے رہتے ہیں۔ شہرکا ایک اور اہم مسئلہ نکاسی آب کے غیر مستعد نظام، کوڑے کچرے کے ڈھیر، فیکٹریوں اور ٹرانسپورٹ کا دھواں ہے جس نے شہر کی فضا کو خطرناک حد تک آلودہ بنا دیا ہے۔

ہیٹی کے دارالحکومت پوورٹ او پرنس کو متعدد قدرتی آفات کا سامنا رہا ہے۔ سن 2010 کے تباہ کن زلزلے کے بعد ہیضے کی وبا اور پھر اس کے بعد سمندری طوفان میتھیو نے شہر کے مسائل میں اضافہ کیا۔ صفائی ستھرائی اور نکاسی آب کا ناقص نظام یہاں کی آلودگی کا بڑا سبب ہیں۔

دنیا کے آلودہ میں شامل مڈغاسکر کے شہر اینٹینا رِیوو کے متعلق رپورٹوں میں کہا گیا کہ اس شہر کا مسئلہ صنعتوں اور آبادی میں تیزی سے اضافہ، درختوں کی بڑے پیمانے پر کٹائی اور صحت و صفائی کے قوانین پر عمل درآمد نہ ہونا ہے۔

بنگلہ دیش کا دارالحکومت ڈھاکہ کے متعلق ورلڈ بینک کی ایک رپورٹ میں کہا گیا ہے کہ شہر میں انیٹوں کے بھٹوں کی موجودگی، قوانین کا احترام نہ کرنے والی صنعتیں اور ٹرانسپوٹ ، اور آلودہ پانی نے ماحولیاتی آلودگی کو اونچی سطحوں تک پہنچا دیا ہے۔

فہرست میں بھارت کے ایک اور شہر ممبئی میں آلودگی کا بڑا سبب ڈیزل کی موٹر گاڑیاں ہیں۔ اس کے علاوہ کچرا ، کوئلے اور پلاسٹک کو جلانے سے بھی شہر میں آلودگی پھیل رہی ہے۔

اس فہرست میں 11 ویں نمبر پر عراق کا شہر بغداد، 12 ویں پر قازقستان کا شہر الماتے13 ویں درجے پر کانگو کا شہر برازاوِل، 14 ویں پر چاڈ کا شہر ندجیمینا اور 15 ویں نمبر پر تنزانیہ کا شہر دار لسلام ہے۔

فیس بک فورم


View News As Image
Post Your Comments
Select Language:    
Type your Comments / Review in the space below.

Name: Email:(Will not be shown) City:
Enter The Code:

 
Home | About Us | Contact Us |  Profiles |  Privacy Policy & Disclaimer | What is Meta News?
Top Searches: Jang News Cricinfo Express Tribune,  , SSC Part 1 Results 2016   Dunya News Bol News Live Samaa News Live Metro 1 News Waqt News Hum TV PTV Sports Live KTN News
Disclaimer: Urduwire.com is only the source of Urdu Meta News (type of Google News) and display news on "as it is" based from leading Urdu news web based sources. If you are a general user or webmaster, and want to know how it works? Please read more!

UrduWire.com - First ever Urdu Meta News portal