چین کے شہر ووہان کو کورونا وائرس کا مرکز سمجھا جاتا ہے۔ شہر کو کورونا کی بدترین صورتحال کا سامنا کرنا پڑا جبکہ صورتحال پر قابو پا لینے کے بعد 8 اپریل کو شہر بھر میں لاک ڈاؤن مکمل طور پر ختم کردیا گیا تھا۔
لاک ڈاؤن ختم کیے جانے کے ایک ماہ بعد اب ووہان شہر کو کورونا وائرس کی نئی لہر کا سامنا ہے اور گزشتہ ایک ماہ میں پہلی بار 8 اور 10 مئی کو وہاں سب سے زیادہ نئے کیسز کی تصدیق ہوئی ہے۔
رائٹرز کے مطابق چین کے شہر ووہان میں لاک ڈاؤن کے بعد ایک ماہ میں پہلی بار 10 مئی کو وہاں نئے 17 کیسز رپورٹ کیے گئے۔
ماہرین کے مطابق یہ انتہائی خطرے کی صورت ہو سکتی ہے، شہریوں کو ازخود ہی احتیاط سے کام لینا ہوگا ورنہ اس مرتبہ پہلے سے مزید سنگین صورتحال درپیش ہو گی۔