کورونا وائرس نے دنیا بھر کے نظام کو درہم برہم کر کے رکھ دیا ہے جبکہ اب روس سے یہ خبر سامنے آرہی ہے کہ خون چوسنے والے کیڑے تباہی مچانے کو تیار ہیں۔
تفصیلات کے مطابق سائبریا کے ایک ریجن میں خون چوسنے والے کیڑوں کی بڑی تعداد نے شہری آبادی کو نقصان پہنچانا شروع کردیا ہے جو کافی پریشانی کا باعث ہے۔
روسی وزارت دفاع کی جانب سے ایک اخبار میں رپورٹ شائع کی گئی جس میں یہ انکشاف کیا گیا کہ معمول سے زیادہ کیسز سامنے آنے کی وجہ سے اسپتالوں میں ویکسین کی قلت پیدا ہوگئی ہے۔
طبی ماہرین کے مطابق خون چوسنے والے کیڑے کے کاٹنے سے دماغ متاثر ہوتا ہے اس کے علاوہ یہ دل، اعصابی اور جوڑ کے نظام کو بھی نقصان پہنچاتے ہیں۔
رپورٹ میں انکشاف ہوا ہے کہ وسطی روس کے کراسنیارسک خطے میں خون چوسنے والے کیڑوں سے 8215 افراد متاثر ہوئے ہیں جن میں 2125 بچے بھی شامل ہیں۔