کینیڈین وزیرِاعظم جسٹن ٹروڈو سے ایک انٹرویو کے دوران اینکر نے ڈونلڈ ٹرمپ کے حوالے سے سوال کیا جس پر جسٹن ٹروڈو نے لمبی خاموشی اختیار کی اور پھر تھوڑا سوچنے کے بعد جواب دیا۔
اینکر نے سوال کیا کہ امریکی صدر ڈونلڈ ٹرمپ اب احتجاج کرنے والوں کے خلاف فوج کو کارروائی کرنے کا کہہ رہے ہیں، ہم نے دیکھا گزشتہ روز ان پر آنسو گیس کی شیلنگ کی گئی، تو اس حوالے سے آپ کیا کہنا چاہیں گے؟
جواب میں کینیڈا کے وزیرِاعظم نے لمبی خاموشی اختیار کی اور کافی سوچنے کے بعد جواب دیا۔
جسٹن ٹروڈو کا کہنا تھا کہ ہم سب دیکھ رہے ہیں کہ امریکہ میں کیا ہو رہا ہے، یہ وہ وقت ہے جب ہمیں لوگوں کو متحد کرنا ہوگا، لیکن ہمیں سب کی بات بھی سننی ہوگی۔
جسٹن ٹروڈو کا مزید کیا کہنا تھا، ویڈیو ملاحظہ کیجیے۔