برا وقت کہیں بھی اور کسی بھی وقت آسکتا ہے، اسی لیے ہمیں ہر وقت محتاط رہنے کی ضرورت ہے۔
بھارتی شہر احمد آباد میں ایک انتہائی افسوس ناک واقعہ اس وقت پیش آیا جب ایک موٹرسائیکل پر سینیٹائزر اسپرے کیا جس سے اس میں آگ لگ گئی۔
تفصیلات کے مطابق یہ حادثہ کورونا وائرس کے حوالے سے چلائی جانے والی آگاہی مہم کے دوران پیش آیا۔
اسپرے حکومتی اہلکار کی جانب سے کیا گیا تھا۔
ویڈیو میں آپ دیکھ سکتے ہیں کہ چیک پوائنٹ پر رکنے والے شخص کی بائیک پر سینیٹائزر اسپرے کرنے سے آگ لگ گئی جس نے موٹر سائیکل کو اپنی لپیٹ میں لے لیا۔
آگ لگنے کے فوری بعد موٹر سائیکل سوار نے اپنی بائیک سڑک پر پھینک دی جس کے بعد اسپرے کرنے والے اہلکار نے موٹرسائیکل کو کھینچ کر دور کیا۔