کینیڈا کے ایک شہری نے ڈرائیونگ سیٹ کی جگہ پر فولڈنگ چیئر لگا کر گاڑی چلانا شروع کر دی مگر بد قسمتی سے شہری کی یہ عجیب حرکت پولیس کی آنکھوں سے بچ نہ سکی۔
ڈرائیونگ سیٹ کی جگہ کرسی رکھ کر گاڑی چلانے پر پولیس نے چالان کر دیا، یہ واقعہ کینیڈا کے شہر اونٹاریو میں پیش آیا جہاں ڈرائیونگ سیٹ کی جگہ کرسی رکھ کر گاڑی چلانے والے شخص کا پولیس نے چالان کر دیا، پولیس کا کہنا ہے کہ غیر معمولی نظر آنے پر مشکوک گاڑی کو روکا گیا، تو معلوم ہوا کہ ڈرائیور عجیب انداز میں بیٹھا تھا جس پر انہوں نے گاڑی کو روکا تو پتہ چلا کہ اس گاڑی کی تو ڈرائیونگ سیٹ ہی غائب ہے، اور اس کی جگہ فولڈنگ چئیر رکھ کر یہ شخص کار چلا رہا تھا۔
پولیس نے فوری طور پر ڈرائیور پر عجیب انداز میں گاڑی چلانے اور سیٹ بیلٹ نہ لگانے پر جرمانہ کرتے ہوئے گاڑی کو ضبط کر لیا۔