پشاور زلمی کے ہیڈ کوچ ڈیرن سیمی نے زلمی ٹی وی کے سیگمنٹ میں خصوصی گفتگو کرتے ہوئے کہا کہ ٹیم نے اب تک شاندار کارکردگی دکھا کر پوائنٹس ٹیبل پر پہلی پوزیشن حاصل کی ہے لیکن پہلی پوزیشن حاصل کرنے کے باوجود ہم ریلیکس نہیں، ہم اپنی محنت جاری رکھیں گے۔
ڈیرن سیمی کا کہنا تھا کہ کوئٹہ کے خلاف میچ میں ثاقب محمود کے شاندار آخری اوور نے ہمیں امید دلائی۔کوئٹہ کے خلاف شعیب ملک، حیدر علی ، ردر فورڈ اور وہاب ریاض نے شاندار بلے بازی کا مظاہرہ کیا۔
سابق ویسٹ انڈین کپتان اور پشاور زلمی کے ہیڈ کوچ سیمی نے بتایا کہ اسلام آباد کے خلاف میچ سے قبل انہوں نے باؤلرز سے کہا تھا کہ ہم نے اچھا کم بیک کرنا ہے۔
ڈیرن سیمی کا مزید کہنا تھا کہ کوشش کریں گے کہ آنے والے میچز میں بھی اچھی کارکردگی کو جاری رکھیں۔
انٹرویو کی ویڈیو ملاحظہ کیجیے۔