لاہور سے تعلق رکھنے والی باہمت ثناء نامی نوجوان لڑکی نے دونوں ہاتھ اور ایک پاؤں کٹے شخص سے شادی کرکے محبت کی نئی داستان رقم کی جس کی خبریں اور مثالیں آج کل سوشل میڈیا پر ہر جگہ دی جا رہی ہیں۔
وہیں اس خوش قسمت جوڑے کو جہاں سب لوگ سراہ رہے ہیں وہیں ان کی محبت بھری داستان اور گھریلو مشکلات کی خبریں اعلیٰ حکام تک جا پہنچی ہیں۔ اسی سلسلے میں وزیر اعلیٰ پنجاب سردار عثمان بزدار نے ثناء اور داؤد کی مالی مدد کرنے کا فیصلہ کیا۔
تفصیلات کے مطابق عمران خان کی ہدایت پروزیر اعلیٰ پنجاب سردار عثمان بزدار نے دونوں بازو اور ٹانگ سے معذور داؤد صدیق کیلئے مالی امداد اور ان کی اہلیہ ثنا مشتاق ، عہدِ وفا کی دیوی کو نوکری فراہم کر دی گئی وزیر اعلی کی جانب سے نیک خواہشات کا اظہار کرنے کے لئے گلدستہ بھی بھجوایا گیا۔
خیال رہے کہ ایک انٹر ویو میں داؤد صدیق کی زوجہ ثناء نے کہا تھا کہ اگر خدا نے داؤد کے بازو لے لیے ہیں تو کیا ہوا، اب وہ داؤد کے بازو بنیں گی اور اُنہیں کسی چیز کی کمی محسوس نہیں ہونے دیں گی۔