بھارتی ڈرامے ابتداء سے ہی دیکھنے والوں کی توجہ کا مرکز بنے رہے ہیں چاہے وہ ان کے ڈرامہ سیریلز میں بولنے والے ڈائیلاگ ہوں یا پھر پس منظر میں بجنے والے دھماکے دار میوزک سب ہی کچھ ہنسنے پر مجبور کر دیتا ہے۔
اب حال ہی میں ایک اور بھارتی ڈرامے کے ایک انوکھے سین کی ویڈیو کلپ وائرل ہو رہی ہے جس دیکھ کر بھارتی سمیت پاکستانی عوام نے بھی اپنا سر پکڑ لیا۔
ویڈیو میں دیکھا گیا کہ عروسی لباس زیب تن کیے دلہن کو کہتے سنا جاسکتا ہے کہ جو شخص چاند کا ٹکڑا سب سے پہلے زمین پر لائے گا میں اسی سے شادی کروں گی۔
اس ڈرامہ کے شروع ہوتے ہی صارفین کی جانب سے اس کا مذاق اڑانا شروع ۔ سوشل میڈیا صارفین کی جانب سے اس کلپ کو شیئر کرتے ہوئے ڈھیروں ایموجیز اور میمز شیئر کیے جا رہے ہیں۔
کیتھرین نامی ایک صارف نے ڈرامے کا کلپ شیئر کرتے ہوئے ٹوئٹ میں لکھا کہ اسی لیے ہم انڈیا سے پیچھے رہ گئے ہیں۔ جبکہ ایک صارف نے لکھا میں ایک ہی وقت میں ہنسنا بھی چاہتی ہوں اور رونا بھی۔