گرمیوں کے موسم میں چھالے نکلنا عام بات ہے لیکن یہ ایک انتہائی تکلیف دہ وقت ہوتا ہے کیونکہ نہ تو کچھ کھایا جا رہا ہوتا ہے نہ ہی انسان کچھ پی سکتا ہے۔
طبی ماہرین کے مطابق منہ میں چھالے بننے کی وجہ زیادہ تر بخار ہے، یا جب جسم میں کسی وائرس کے خلاف مزاحمت جاری ہوتی ہے تو چھالے بنتے ہیں، تاہم کوئی حتمی وجہ سامنے نہیں آ سکی ہے۔
یہ خیال کیا جاتا ہے کہ برش کی رگڑ سے، مصالحے دار غذائیں کھانے سے، ہارمونز میں تبدیلی یا ذہنی تناؤ وغیرہ کے سبب منہ میں چھالے بن سکتے ہیں جبکہ چھالے ٹھیک ہونے کا دورانیہ 6 سے 8 دن ہوتا ہے۔
طریقے:
1) وٹامن ای کے کیپسول کا تیل
ایک کیپسول کو کاٹ اس کا تیل چھالوں پر لگائیں، چھالے جلد ٹھیک ہو جائیں گے۔
2) ایلوویرا
ایلو ویرا جیل کا دن میں 2 سے 3 مرتبہ استعمال منہ کے چھالے ٹھیک ہونے کا سبب بنتا ہے۔ اس سے درد میں بھی فائدہ پہنچتا ہے۔
3) نمک کا پانی
نمک ملے پانی سے 30 سیکنڈ تک کلیاں کریں، اس سے چھالوں کے ختم ہونے کا عمل تیز ہو جاتا ہے۔
4) بیکنگ سوڈا
یہ معدے میں تیزابی کیفیت کو معمول پر لاتا ہے، جس کی وجہ سے منہ میں چھالے بنتے ہیں، بیکنگ سوڈا سے بیکٹیریا بھی مرتے ہیں، ایک چائے کی چمچ بیکنگ سوڈا آدھے کپ گرم پانی میں ملا کر اس سے کلیاں کریں۔
٭ امید کرتے ہیں ان طریقوں سے آپ کی مشکل آسان ہو گی۔ اپنی رائے کا اظہار کرنا نہ بھولیے گا۔ ہماری ویب کے فیسبک پیج پر کمنٹ کر کے بتائیں۔