اگر آپ نے کبھی سعودی عرب کا سفر کیا ہو یا آپ وہاں پر رہائش پذیر ہوں تو آپ نے سڑکوں پر اکثر گداگروں کو دیکھا ہوگا۔ تاہم گداگری کے رجحان کو ختم کرنے کیلئے، سعودی عرب میں انسداد گداگری کے نئے قوانین کا نفاذ ہونے جارہا ہے۔
تفصیلات کے مطابق سعودی عرب میں انسداد گداگری کے نئے قوانین کا نفاذ کیا جارہا ہے، جس کے تحت بھکاریوں کو گرفتار اور ان کا ڈیٹا بیس بنایا جائے گا۔
اس کے علاوہ نیئے قانون پر اگلے 80 دنوں میں عمل درآمد کیا جائے گا۔
دوسری جانب وزارت داخلہ کا کہنا ہے گداگری کی ہر شکل پر پابندی عائد ہوگی۔ اگر کوئی شخص اس میں ملوث پایا گیا، اسے قانون کے مطابق ایک سال قید اور 1 لاکھ ریال تک جرمانہ کیا جا سکے گا۔
جبکہ نئے قانون کے تحت گداگری میں ملوث افراد کا ڈیٹا بیس بھی بنایا جائے گا۔
تاہم پہلی بار گرفتاری پر وارننگ دے کر چھوڑ دیا جائے گا۔ البتہ وارننگ ینے کے بعد بھی گداگری میں ملوث رہے تو ان کے خلاف سخت کارروائی کی جائے گی