ہم روزانہ سوشل میڈیا پر بہت سے سوالات کے جوابات ڈھونڈنے کی کوشش کرتے ہیں لیکن ہمارے سوال ہمارے تخیل کی حدود سے باہر نہیں جاتے اور ہمیں لگتا ہے کہ ہم انٹرنیٹ پر ہر چیز ڈھونڈ کر اُسے جان چُکے ہیں مگر بہت سی بے شمار عام چیزیں ایسی ہیں جو ہمارے اردگرد موجود ہیں لیکن ہمیں ان چیزوں کے استعمال کا اصل مقصد معلوم نہیں ہوتا۔ جو آہم آج اس آرٹیکل میں جانیں گے۔
1- فرینچ فرائیز کے ڈبے میں چُھپا کیچ اپ ہولڈر
یہ بات یقینا آپ کو پہلی بار معلوم ہوئی ہوگی کہ جب آپ میک ڈانلڈ یا کسی بھی ریسٹورینٹ کھانا کھانے جاتے ہیں تو وہاں فرینچ فرائز کے ڈبے میں موجود حصے کو نظرانداز کردیتے ہیں۔ تو فرینچ فرائی کے باکس میں یہ حصہ دراصل کیچ ڈالنے کے لیے ہوتا ہے۔
2- ٹی شرٹ میں وی شیپ
ٹی شرٹ میں مختلف ڈیزائن بنے ہوتے ہیں۔ لیکن بعض کمپنیوں کا صارفین کا زیادہ خیال ہوتا ہے۔ بعض ٹی شرٹ میں وی کی شکل بنی ہوتی ہے لیکن آخر یہ کیوں ہوتی ہے کیا آپ بتا سکتے ہیں؟ ٹی شرٹ کے گلے پر وی شیپ (تکون) کا خاص کردار ہوتا ہے وہ یہ کہ جب آپ کو پسینہ آئے تو اس وی شیپ والی جگہ پر جاکر جذب ہوجاتا ہے۔ خیال رہے ایسی قمیض سن 1930 میں کھلاڑیوں کے لیے بنائی گئی تھی۔
3- کریڈٹ کارڈ کچن میں بھی استعمال ہوتا ہے
کریڈٹ کارڈ مشکل حالات میں آپ کے کام آتا ہے کیونکہ اس میں پیسے محفوظ ہوتے ہیں۔ لیکن کریڈٹ کارڈ کچن میں بھی استعمال ہوسکتا ہے۔ ہوگئے نا حیران! اگر آپ کے پاس چھری نہ ہو، تو کریڈٹ کارڈ کام آسکتا ہے۔آپ اپنے کارڈ کے کنارے کی مدد سے نرم کھانے، جیسے کیک کاٹنے کے لیے استعمال کر سکتے ہیں۔
4- مائیکروویو پر سیاہ جال
ہم میں سے بعض لوگوں کا یہی ماننا ہوگا کہ مائیکرو ویو اوون کے دروازے پر سیاہ جال صرف اس لیے ہوتے ہیں کہ ہم اپنے کھانے کے گرم ہونے کے نظارے سے لطف اندوز نہ ہوسکیں۔ درحقیقت، جب حفاظت کی بات آتی ہے تو یہ چھوٹے جال بہت اہم کردار ادا کرتے ہیں۔ ان سیاہ جالیوں کے بغیر ہم مائیکرو ویوز سے نکلنے والی شعاؤں کے نقصان دہ اثر و رسوخ کا شکار ہو سکتے ہیں۔
مائیکرو ویو کے اندر موجود الیکٹرو میگنیٹک شعاﺅں کو باہر آنے سے روکنے کے لئے ایک دھاتی جالی استعمال کی جاتی ہے۔ اس جالی سے بنے مزاحمتی ڈبے کو ”فیراڈے کیج“ کہا جاتا ہے، جو کہ الیکٹرومیگنیٹک شعاﺅں کو اپنی سطح سے منعکس کرکے باہر آنے سے روکتا ہے۔