سپریم کورٹ، منی لانڈرنگ کیس میں حمزہ شہباز کیخلاف نیب اپیل سماعت کیلئے مقرر

ہم نیوز  |  Aug 18, 2022

سپریم کورٹ نے منی لانڈرنگ کیس میں مسلم لیگ ن کے رہنما حمزہ شہباز کے خلاف نیب اپیل سماعت کے لیے مقرر کر لی۔

جسٹس اعجاز الاحسن کی سربراہی میں 2 رکنی بینچ 25 اگست کو سماعت کرے گا جب کہ جسٹس مظاہر علی اکبر نقوی بینچ کا حصہ ہوں گے۔

عدالت نے پراسیکیوٹر جنرل نیب سمیت دیگر فریقین کو نوٹس جاری کر دیا۔

خیال رہے کہ اسپیشل کورٹ لاہور نے ایف آئی اے منی لانڈرنگ کیس میں وزیر اعظم  شہباز شریف اور حمزہ شہباز کو  فردجرم کےلیے 7 ستمبر کو طلب کر رکھا ہے۔

اسپیشل کورٹ لاہور میں  وزیر اعظم شہباز شریف اور حمزہ شہباز کے خلاف ایف آئی اے منی لانڈرنگ کیس کی سماعت ہوئی عدالت نے شہباز شریف اور حمزہ شہباز کو فردجرم کے لیے آئندہ سماعت پر 7 ستمبر کو طلب کر لیا۔

وزیر اعظم شہباز شریف اور حمزہ شہباز کی آج کی حاضری سے استثنیٰ کی درخواست منظور کر لی گئی،دورانِ سماعت حمزہ شہباز کے وکیل نے ان کی میڈیکل رپورٹس عدالت میں پیش  کیں۔

پراسیکیوٹر نے حمزہ شہباز کی حاضری سے استثنیٰ کی درخواست کی مخالفت کی۔ایف آئی اے پراسیکیوٹر نے اپنے دلائل میں کہا کہ ضمانت منظور ہوتے ہی ملزم نے عدالت میں پیش ہونا چھوڑ دیا ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More