نہ لاکھوں کی گاڑی اور نہ مہنگی سجاوٹ ! سائیکل پر دولہا اپنی دلہن کو رخصت کرکے لے جاتے ہوئے، ویڈیو وائرل

شادی میں روپے پیسے کی بے جا نمائش کی وجہ سے ہی لوگوں میں خصوصاً بیٹیوں کے والدین میں احساسِ کمتری پیدا ہوتی ہے کیونکہ ہر کوئی اپنی بیٹی کی شادی دھوم دھام سے کرنا چاہتا ہے اور استطاعت سے بڑھ کر دیتا ہے۔ صرف لڑکی ہی نہیں لڑکے والے بھی اپنے بیٹوں کی شاندار انداز سے شادی کے خواہشمند ہوتے ہیں۔ پاکستان میں تو نمود و نمائش کی بھرمار ہوگئی ہے ہر کوئی اعلیٰ سے اعلیٰ درجے پر پہنچ کر یہ خرچے کرنے لگا ہے۔

چین سے ایک شادی کی ویڈیو خوب وائرل ہو رہی ہے جس میں دیکھا جا سکتا ہے کہ نہ تو مہنگی گاڑی ہے دلہن کی رخصتی کیلئے اور نہ کوئی بھاری بھرکم پھولوں کی سجاوٹ، بس صرف سائیکل پر دولہا دلہن بیٹھ کر جا رہے ہیں جس کو نفاست اور کم سے کم خرچہ کرتے ہوئے غباروں سے سجایا گیا ہے۔ دولہے کے دوست بھی ان کے پیچھے سائیکلوں پر ہی سوار ہیں۔ یہ دیکھنے والوں کے لئے سادگی کی اعلیٰ مثال ہے کہ شادی کے پُرمسرت موقع پر بھی سادگی کو نہ بھولے۔