سوشل میڈیا پر ان دنوں فیفا ورلڈ کپ سے متعلق دلچسپ معلومات موجود ہیں، ویڈیوز اور تصاویر بھی سب کی توجہ حاصل کر رہی ہیں۔
ہماری ویب ڈاٹ کام کی اس خبر میں آپ کو اسی حوالے سے بتائیں گے۔
سوشل میڈیا پر قطر کے فٹبال میچ کی ایک ویڈیو کافی وائرل ہے جس میں ایک بچہ ہوائی جہاز اڑا رہا ہے۔
رُک جائیے جناب، یہ جہاز کوئی اصلی جہاز نہیں بلکہ کاغذ کا جہاز اڑا رہا تھا، جس نے سب کی توجہ حاصل کر لی۔
جرمنی کے میچ کے دوران ایک شائقین فٹبال نے کاغذ کے ذریعے جہاز بنانے کا فیصلہ کیا تھا، اس سب میں نوجوان نے اُس وقت سب کو حیران کر دیا جب اس کے جہاز نے میدان میں پرواز کی۔
نہ صرف پرواز کی بلکہ حیرت انگیز طور پر جہاز گول کیپر کو منہ چڑاتے ہوئے گول کر گیا۔
اس کاغذی جہاز کو گول کرتا دیکھ، شائقین بھی داد دیے بغیر اور شور و غل کیے بغیر نہیں رہ سکے۔ واضح رہے سوشل میڈیا پر وائرل یہ ویڈیو جون 2022 کی ہے، تاہم فیفا ورلڈ کپ کے باعث ایک بار پھر وائرل ہو گئی ہے۔