حکومت کے ساتھ ہمارے غیر رسمی رابطے ہو رہے ہیں: فواد چودھری

اردو نیوز  |  Dec 05, 2022

پاکستان تحریک انصاف کے سینیئر نائب صدر فواد چودھری نے کہا ہے کہ ’حکومت کے ساتھ ہمارے غیر رسمی رابطے ہو رہے ہیں۔‘

پیر کے روز لاہور میں میڈیا سے گفتگو کرتے ہوئے ان کا کہنا تھا کہ ’ہم انتخابات کی جانب بڑھنا چاہتے ہیں، نہیں چاہتے کہ کوئی ماورائے آئین اقدام ہو۔‘

’عمران خان آج مشاورت کے لیے لاہور کے ارکان اسمبلی کو بلایا ہے جبکہ منگل کے روز سینیئر رہنماؤں کو طلب کیا ہے۔‘

’اس اجلاس میں اسمبلیوں سے استعفوں پر مشاورت کی جائے گی جبکہ آئندہ کے لیے سیاسی حکمت عملی پر بھی غور ہو گا۔‘

فواد چودھری کہتے ہیں کہ ’ہم حکومت کی مدت بڑھانے کے اقدام کی حمایت کریں گے نہ ہی کوئی ماورائے آئین اقدام ہونے دیں گے۔‘

پاکستان تحریک انصاف کے سینیئر نائب صدر فواد چودھری نے کہا کہ ’ہم فوج اور عدلیہ کے ساتھ تلخیاں بڑھانا نہیں کم کرنا چاہتے ہیں۔ بعض عناصر ان تلخیوں کو بڑھا رہے ہیں۔‘

ان کا مزید کہنا تھا کہ ’چودھری پرویز الٰہی اور مونس الٰہی سے بات ہوئی ہے، مسلم لیگ ق اور پاکستان تحریک انصاف اتحادی ہیں اور رہیں گی۔‘

’اس وقت ملک کو معاشی بحران کا سامنا ہے، ملک کے زرمبادلہ کے ذخائر صرف 7 ملین ڈالر رہ گئے ہیں۔‘

سابق وفاقی وزیر نے کہا کہ ’عالمی منڈی میں تیل کی قیمتیں تین ماہ کی کم ترین سطح پر آگئی ہیں، لیکن وفاقی حکومت عوام کو ریلیف نہیں دے رہی۔‘

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More