قطر میں جاری فٹ بال ورلڈکپ کے دوران مداحوں کی جانب سے فٹ بال سے جڑی یادوں کو تازہ کرنے کا سلسلہ بھی جاری، مداحوں نے کئی سال سے مقابلے دیکھنے کیلئے آنے والے بوڑھے میاں بیوی کو مرنے کے بعد ہیرو بنادیا۔
پاکستان میں جیسے چاچا کرکٹ اور دیگر کئی لوگ کھیل کے دوران اپنی ٹیم کی سپورٹ کی وجہ سے مشہور ہوئے اسی طرح ایک یورپی جوڑا بھی فٹ بال کے میچز میں باقاعدگی سے آنے کی وجہ سے مشہور ہوا۔
کئی سال تک ایک ساتھ میچز دیکھنے کیلئے آنے والے بوڑھے میاں بیوی میں سے جب شوہر کا انتقال ہوا تو خاتون اکیلی میچ دیکھنے آتی رہی اور جب خاتون کا انتقال ہوا تو لوگوں نے اس مشہور جوڑے کی سیٹوں پر ان دونوں کی تصویریں لگادیں۔
یہ واقعہ دو سال قبل 2020 میں پیش آیا لیکن فٹ بال ورلڈ کپ کے دوران لوگوں نے یہ تصاویر دوبارہ شیئر کرکے بوڑھے میاں بیوی کی یادیں دوبارہ تازہ کردی ہیں۔