شادی بیاہ کی تقریبات تو ہر گھر کی منفرد ہوتی ہیں، لیکن ہر والد کا ارمان ایک ہی ہوتا ہے، کہ اس بیٹی یا بیٹے کی شادی بڑے ہی دھوم دھام سے ہو۔
ہماری ویب ڈاٹ کام کی اس خبر میں آپ کو ایک ایسے ہی باپ سے متعلق بتائیں گے۔
سوشل میڈیا پر ایک بھنگی کی بیٹی کی شادی کے چرچے ہو رہے ہیں، جس کا تعلق بھارتی ریاست راجھستان سے ہے۔
عام طور پر بھارت سے آنے والی خبریں حیرتا انگیز اور عجیب و غریب ہی ہوتی ہیں، لیکن اس خبر میں ایک والد کی محبت اور ارمان بخوبی جھلک رہے ہیں۔
راجھستان کے بھترپور ضلع سے تعلق رکھنے والی لڑکی کی شادی میں ہاتھی، گھوڑے اور اونٹ خاص طور پر منگوائے گئے، جس سے شادی کی رونق میں چار چاند تو لگ ہی گئے ساتھ ہی شاہی شادی کی یاد بھی تازہ ہو گئی۔
بھارتی میڈیا کی رپورٹ کے مطابق دلہے میاں کے والد کا ارمان تھا کہ بیٹے کی شادی میں دلہا ہاتھی پر سوار ہو کر دلہنا کو لینے جائے، جب اس ارمان کا ذکر دلہے والوں نے لڑکی والوں سے کیا تو انکار کرنا ممکن نہ تھا۔
اس شادی کی دلچسپ بات یہ بھی تھی کہ ایک بھنگی کی بیٹی کی شادی شاہی انداز میں ہو رہی تھی، واضح رہے راجھستان کی تاریخ میں بھی ایسی شادیاں ہوتی رہی ہیں، یہی وجہ ہے کہ کئی سال بعد جب شادی میں شاہی نظارہ دیکھنے کو ملا تو عوام جا جم غفیر امڈ آیا۔
کوئی سڑک پر کھڑا تھا تو کوئی بالکونی سے تک رہا تھا، یہاں تک کہ چھتوں سے بھی لوگ اس بارات کو دیکھ رہے تھے۔