آصف زرداری نے افغانستان کی تنظیم کو پیسے دیے، عمران خان بتا چکے، فرخ حبیب

ہم نیوز  |  Jan 31, 2023

لاہور: پاکستان تحریک انصاف کے مرکزی رہنما فرخ حیبب نے کہا ہے کہ آصف زرداری نے افغانستان کی ایک تنظیم کو پیسے دیے ہیں، یہ بات عمران خان بتا چکے ہیں۔

انہوں نے زمان پارک کے باہر ذرائع ابلاغ سے گفتگو کرتے ہوئے کہا کہ عمران خان کی نااہلی اور گرفتاری کی باتیں ہو رہی ہیں لیکن عمران خان کو سیکیورٹی کون فراہم کرے گا؟ سابق وزیراعظم عمران خان پہلے ہی سیکیورٹی خدشاست کا اظہار کر چکے ہیں۔

فرخ حبیب نے کہا کہ پارلیمان میں ق لیگ کی اکثریت پرویز الہٰی کے ساتھ ہے، اب یہ معاملہ الیکشن کمیشن جانے اور پرویز الہٰی جانیں، پرویز الہٰی جب بھی پی ٹی آئی میں آنا چاہتے ہیں، ان کے لیے دروازے کھلے ہوئے ہیں۔

انہوں نے کہا کہ اس سلسلے میں پہلے ان سے بات بھی ہو چکی ہے، عمران خان کی رپورٹس عدالت میں پیش کی گئی ہیں، عمران خان اگر سفر کریں گے تو ہڈی فریکچر ہونا کا خدشہ ہے۔

آصف زرداری پرقتل کی سازش کا الزام،عمران خان نےنیا پتہ کھیلا جس سے خون خرابا ہو سکتا ہے

سابق وفاقی وزیر مملکت فرخ حبیب نے کہا کہ عمران خان سے معزز عدالت ویڈیو لنک کے ذریعے بیان لے، ڈاکٹروں نےعمران خان کو سفر کرنے سے منع کیا ہوا ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More