بیٹیاں خُدا کی رحمت ہوتی ہیں لیکن آج بھی ہمارا معاشرہ اس بات کو قبول نہیں کر سکا ہے۔ ترکھانہ موڑ شکر گڑھ کے پاس ایک نومولود بچی کو گتے کے ڈبے میں پیک کرکے کچرے میں پھینک دیا۔ لوگوں کو جب کچرے سے بچے کے رونے کی آواز آنے لگی تو ریسکیو کو اطلاع کی گئی۔ جب اہلکاروں نے ڈبے کو کھول کر دیکھا تو گھٹ گھٹ کر روتی ہوئی بچی ملی۔
تفصیلات کے مطابق بچی کی عمر صرف 3 گھنٹے تھی جب اس کو ریسکیو اہلکاروں نے ریسکیو کیا۔ بچی کو بحفاظت ڈبے سے نکالنے کے بعد اس کو ڈی ایچ کیو ہسپتال نارووال منتقل کر دیا گیا جہاں ابتدائی طبی امداد کے بعد مقامی بچی کو پولیس کے حوالے کردیا گیا ہے۔
بچوں کو یوں کچرے میں پھینک کر ان کی ننھی جان پر ظم کرنے سے بہتر ہے کہ انہیں کسی ایسے ادارے کے حوالے کردیا جائے جو ان کی کفالت کرسکے، لیکن ہمارے معاشرے میں جہالت کی انتہا عروج پر ہے۔