ڈریپ نے آئرن گولی 100اور فولک ایسڈ 0.35 ایم جی کے بیج کو 2781 غیر معیاری قرار دیدیا

ہم نیوز  |  Feb 07, 2023

اسلام آباد: ڈرگ ریگولیٹری اتھارٹی پاکستان ( ڈریپ) نے لوکل فارما کمپنی کی تیار کردہ ’فولک ایسڈ‘ کی اواہم نامی گولیوں کے ایک بیج اور آئرن گولی 100  کو غیر معیاری قرار دے دیا ہے۔

ڈریپ نے اس ضمن میں ڈاکٹروں، شہریوں، اسپتالوں اور فارمیسی کے لیے الرٹ بھی جاری کرتے ہوئے خبردار کیا ہے کہ فولک ایسڈ کی اواہم نامی گولی کا بیج نمبر 2781 غیر معیاری ہے۔

فارما کمپنی کو ڈریپ کی جانب سے ہدایت دی گئی ہے کہ وہ فوری طور پر فولک ایسڈ کی غیر معیاری قرار دی گئی دوا کے بیج کو مارکیٹ سے اٹھائے۔

ڈریپ کے مطابق آئرن گولی 100، فولک ایسڈ 0.35 ایم جی کا بیج 2781 غیر معیاری ہے، شہری غیر معیاری قرار دی جانے والی دونوں گولیوں کا استعمال نہ کریں۔

ہم نیوز اس حوالے سے دوا بنانے والی فارما کمپنی کا مؤقف لینے کی کوشش کر رہا ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More