زلزلہ متاثرہ علاقوں میں 3 ماہ کیلئے ایمرجنسی نافذ کر دی گئی

ہم نیوز  |  Feb 08, 2023

انقرہ: ترکیہ کے صدر طیب اردوان نے زلزلہ متاثرہ علاقوں میں 3 ماہ کیلئے ایمرجنسی نافذ کر دی۔

غیر ملکی خبر رساں ایجنسی کے مطابق ترک صدر طیب اردوان نے اپنے بیان میں کہا کہ ملک میں ہولناک زلزلے کے باعث ہونے والے نقصانات سے امدادی کاموں میں دشواری کا سامنا ہے اور جنوبی ترکیہ میں زلزلے کا شکار 10 شہروں کا آفت زدہ قرار دیا جا رہا ہے۔

انہوں نے کہا کہ زلزلہ متاثرہ علاقوں میں 3 ماہ کے لیے ایمرجنسی نافذ کر دی گئی ہے اور امدادی کاموں کے لیے 5 ارب ڈالرز مختص کر دیئے گئے ہیں۔

یہ بھی پڑھیں: 

طیب اردوان نے کہا کہ ملک اس وقت دنیا کے سب سے بڑے سانحہ سے گزر رہا ہے جبکہ دنیا کے بیشتر ممالک نے امداد اور امدادی سرگرمیوں میں تعاون کی پیشکش بھی کر دی ہے۔

انہوں نے کہا کہ زلزلے سے بے گھر ہونے والے افراد کے لیے 45 ہزار پناہ گاہیں جنگی بنیادوں پر تعمیر کی جائیں گی تاہم متاثرہ افراد کو اناطولیہ کے ہوٹلوں میں عارضی طور رکھنے پرغور ہو رہا ہے۔

واضح رہے کہ ترکیہ اور شام میں دو روز قبل آنے والے زلزلے سے ساڑھے 7 ہزار سے زائد افراد جاں بحق ہو چکے ہیں اور کئی عمارتیں زمین بوس ہو گئیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More