بھارتی فلم ہم آپ کے ہیں کون ایک مشہور فلم تھی جس میں سلمان خان، مادھوری ڈکشٹ، انوپم کھیر، مونیش بھال، سورج بارجاتھیا، رینوکا شہانے، اور ریما لاگو جیسے بڑے کرداروں نے کام کیا۔ یہ اپنے وقت کی پسندیدہ فلموں میں سے ایک ہے۔ اس فلم کا سب سے زیادہ افسوس ناک مقام اس وقت پیدا ہوا جب رینوکا جنہوں نے فلم میں سلمان خان کی بھابھی کا کردار کیا یہ سیڑھیوں سے گر کر مر جاتی ہیں اور مادھوری ڈکشٹ کی شادی اپنے بہنوئی سے کروادی جاتی ہے۔
اداکارہ رینوکا کی نجی زندگی کے بارے میں بات کریں تو ان خواتین کو ضرور اداکارہ سے سیکھنے کو ملے گا جن کی ایک شادی صرف اور صرف اس لیے ٹوٹ گئی کہ سسرال والوں نے یہ کہہ کر گھر سے نکلوا دیا کہ یہ لڑکی کیا گھر بسائے گی جب اس کے والدین نے ہی آپس میں طلاق لے لی تھی۔ رینوکا کی پہلی شادی ٹوٹ گئی تھی لیکن پھر اداکار آشوتوش نے ان سے شادی کی اور اب ان کے 2 بیٹے ہیں۔
اداکارہ رینوکا کہتی ہیں: میں نے آشوتوش کے ساتھ 90 کی دہائی میں ایک فلم کی تھی اس کے بعد 3 ماہ تک کوئی رابطہ نہ رہا لیکن ایک دن اچانک دیوالی کی مبارکباد دینے کے لیے آشوتوش نے مجھے فون کیا اور کہا کہ کیسی ہو؟ دیوالی کی شبکام نائیں، میں چاہتا ہوں کہ اگر آپ بُرا نہ مانیں تو اس دیوالی ہم بھی خوشیاں بانٹ سکتے ہیں یہ پہلا موقع تھا جب دونوں کی بات ہوئی اس کے 2 ماہ بعد میں نے ان سے فون پر پورے 1 گھنٹے بات کی اور یہاں سے ہماری دوستی محبت میں بدل گئی۔ آشوتوش جانتے تھے کہ میں طلاق یافتہ ہوں اور میرے گھر کا ماحول بھی ان کو پتہ تھا ، ان کے گھر والے مجھے اپنانے میں ہچکچا رہے تھے لیکن وہ دٹے رہے اور مجھ سے شادی کرکے میرے پہلے سسرالیوں کو یہ دکھایا کہ ماضی کے اثرات سے نئی زندگی کی خوشیاں تباہ نہیں کرنی چاہیے۔