اردو نیوز | Sep 27, 2024
پاکستان تحریک انصاف نے رؤف حسن کی جگہ شیخ وقاص اکرم کو پارٹی کا نیا سیکریٹری اطلاعات مقرر کردیا ہے۔جمعرات کو پی ٹی آئی کے چیئرمین بیرسٹر گوہر علی خان کی جانب سے دو الگ الگ نوٹی فیکیشنز جاری کیے گئے۔
ایک نوٹی فیکیشن کے مطابق رؤف حسن کو سیکریٹری اطلاعات کے عہدے سے الگ کر کے پی ٹی آئی پالیسی تھنک ٹینک کا سربراہ مقرر کر دیا گیا ہے۔دوسرے نوٹی فیکیشن کے مطابق رکن قومی اسمبلی شیخ وقاص اکرم کو پارٹی کا نیا سیکریٹری اطلاعات مقرر کیا گیا ہے۔پاکستان تحریک انصاف نے رواں برس مئی میں شیخ وقاص اکرم کو شیرافضل مروت کی جگہ چیئرمین پبلک اکاؤنٹس کمیٹی کے عہدے کے لیے نامزد کیا تھا۔فروری 2024 کے عام انتخابات سے قبل وہ کئی ماہ تک روپوش رہے اور الیکشن میں کامیابی حاصل کرنے کے بعد منظرِعام پر آئے۔شیخ وقاص اکرم فروری 2024 کے عام انتخابات میں جھنگ کے حلقہ این اے 109 جھنگ 2 سے پی ٹی آئی کی حمایت سے آزاد رکن قومی اسمبلی منتخب ہوئے تھے۔
Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More