پاکستان کا پہلا شخص ہوں جسے یہ اعزاز ملا ۔۔ باکسر عامر خان کو کون سے فوجی اعزاز سے نواز دیا گیا؟

پاکستانی نژاد برطانوی باکسر عامر خان کو خاص فوجی اعزاز سے نواز دیا گیا۔

رپورٹ کے مطابق، رواں سال عامر خان کو پاکستانی فوج کی جانب سے اعزازی کیپٹن کا خطاب ملا تھا۔

اس موقع پر عامرخان کا کہنا تھا کہ، "مجھے پاکستانی فوج کا اعزازی کیپٹن بننے پر بہت خوشی ہے، میں پاکستان سمیت دنیا بھر سے تعلق رکھنے والا پہلا شخص ہوں جسے یہ اعزاز ملا"۔

آرمی چیف کا شکریہ ادا کرتے ہوئے انہوں نے کہا کہ، آرمی چیف جنرل عاصم منیر سے ملاقات بہت اچھی تھی۔ وہ ایک اچھے، ایماندار اور حیرت انگیز آدمی ہیں۔ وہ ایک ویژنری شخص ہیں جو چاہتے ہیں کہ پاکستان ترقی کرے، وہ پاکستان کو کھیل اور تعلیم سمیت تمام شعبوں میں آگے لے جانا چاہتے ہیں۔ اور مجھے اس بات پر بہت فخر ہے۔

انہوں نے کہا کہ مجھے فوج کا اعزازی کیپٹن بنایا گیا اور یہ حیرت انگیز تھا۔ مجھے بتایا گیا ہے کہ میں پاکستان اور دنیا بھر میں واحد ایتھلیٹ ہوں جس نے پاک فوج کی وردی پہنی ہے۔ یہ میرے لیے بہت بڑا اعزاز ہے۔