غیر ملکی مہمانوں کی آمد کی وجہ سے دن بارہ بجے سے دن دو بجے تک مختلف اوقات میں روٹ لگے گا۔
ابوظہبی کے ولی عہد شیخ خالد بن محمد بن زاید النہیان ایک روزہ دورے پر پاکستان پہنچیں گے، کورال چوک، ایکسپریس ہائی وے، کھنہ پل اور فیض آباد میں سخت سیکیورٹی انتظامات کئے گئے ہیں۔
کلب روڈ، مری روڈ، فیصل ایونیو اور سری نگر ہائی وے پر بھی سیکیورٹی کے انتظامات کئے گئے ہیں۔ ٹریفک پولیس کے مطابق ایکسپریس ہائی وے اور سری نگر ہائی وے پر ٹریفک کچھ دیرکے لئے معطل رہے گی۔
اسلام آباد سمیت ملک کے مختلف علاقوں میں تیز ہواؤں کے ساتھ بارش کی پیشگوئی
ٹریفک پولیس کا کہنا ہے کہ شہری ایکسپریس ہائی وے اور سری نگر ہائی وے سے منسلک سروس روڈ کا استعمال کریں، بلیو ایریا کی جانب سفر کے لیے نائتھ ایونیو اور ایچ ایٹ انڈر پاس کا استعمال کیا جائے۔
ریڈ زون جانے والی ٹریفک مارگلہ روڈ، ایکسپریس چوک، ایوب چوک اور نادرا چوک کا استعمال کرے، شہری ریڈ زون سے فیض آباد جانے کے لیے کنونشن سینٹر اورکلب روڈ کا استعمال کریں، شہریوں کی رہنمائی کیلئے اسلام آباد ٹریفک پولیس مختلف مقامات پر موجود رہے گی۔