پاکستان اسٹاک ایکسچینج میں کاروبار کا مثبت آغاز ، انڈیکس نے ایک بار پھر ایک لاکھ ، 14 ہزار کی حد کو چھو لیا، تبادلہ مارکیٹ میں ڈالر بھی سستا ہو گیا ہے۔
جمعرات کو اسٹاک ایکسچینج میں کاروبار کے آغاز پر مثبت رجحان دیکھا گیا ، 100 انڈیکس 182 پوائنٹس کے اضافے سے ایک لاکھ 14 ہزار 45 پوائنٹس کی سطح پر پہنچ گیا۔
اسٹاک مارکیٹ میں زبردست تیزی ، ایک لاکھ ، 15 ہزار کی حد بحال
واضح رہے گزشتہ روز کاروبار کے اختتام پر ہنڈریڈ انڈیکس ایک لاکھ 13 ہزار 163 پوائنٹس پر بند ہوا تھا۔
دوسری جانب ایکسچینج کمپنیز ایسوسی ایشن کے مطابق ڈالر کی قیمت میں کمی ہو گئی ہے ، انٹر بینک میں 12 پیسے کی کمی کے بعد ڈالر کی قیمت 279 روپے 50 پیسے ہو گئی ہے۔