محکمہ موسمیات نے اسلام آباد سمیت ملک کے مختلف علاقوں میں تیز ہواؤں کے ساتھ بارش کی پیشگوئی کی ہے۔
محکمہ موسمیات کے مطابق خیبرپختونخوا، کشمیر، گلگت بلتستان، بالائی/ وسطی پنجاب اوراسلام آباد میں اکثر مقامات پر تیز ہواؤں اور گرج چمک کے ساتھ بارش اور پہاڑوں پر برفباری کا امکان ظاہر کیاگیا ہے۔
آج بالائی خیبرپختونخوا، کشمیر، گلگت بلتستان اور شمال مشرقی پنجاب میں بعض مقامات پر موسلا دھار بارش اور پہاڑوں پر شدید برفباری کا امکان ہے، کچھ مقامات پر ژالہ باری بھی ہو سکتی ہے۔
اسلام آباد اور گرد و نواح میں تیز ہواؤں اور گرج چمک کے ساتھ بارش کی پیشگوئی کی گئی ہے۔
راولپنڈی، اٹک، چکوال، میانوالی، سرگودھا، خوشاب، جہلم، گجرات، منڈی بہاؤالدین، فیصل آباد، ٹوبہ ٹیک سنگھ، جھنگ، لاہور، اوکاڑہ، شیخوپورہ، گوجرانوالہ، سیالکوٹ، نارووال، نور پور تھل اورگرد و نواح میں تیز ہواؤں اور گرج چمک کے ساتھ بارش جبکہ کچھ مقامات پر ژالہ باری کی پیشگوئی کی گئی ہے۔
مری،گلیات اور گرد و نواح میں تیز ہواؤں کے ساتھ وقفے وقفے سے بارش جبکہ چند مقامات پر تیز بارش اور برفباری کا امکان ظاہر کیاگیا ہے۔
رمضان المبارک کا چاند دیکھنےکیلئےمرکزی رویت ہلال کمیٹی کا اجلاس کل ہوگا
ایبٹ آباد، پشاور، مانسہرہ، دیر، چترال، کوہستان، سوات، شانگلہ، بٹگرام، بونیر، صوابی، مردان، مالاکنڈ، باجوڑ، مہمند، خیبر، کرم، نوشہرہ، چارسدہ، کوہاٹ، ہنگو، اورکزئی، کرک، بنوں، وزیرستان، لکی مروت اور ڈی آئی خان میں اکثر مقامات پر گرج چمک کے ساتھ مزید بارش اور بالائی علاقوں میں برفباری کی توقع ہے۔
بلوچستان کے بیشتر اضلاع میں موسم سرد اور مطلع جزوی ابر آلود رہنے کی توقع ہے جبکہ کوئٹہ، زیارت، چمن، پشین، جھل مگسی، چاغی، قلعہ عبداللہ، قلعہ سیف اللہ، قلات، ژوب، موسیٰ خیل، لورالائی، بارکھان، سبی، ڈیرہ بگٹی، نصیر آباد، کوہلو، خضدار، خاران، پنجگور، دالبندین اور نوکنڈی میں گرج چمک کے ساتھ بارش اور پہاڑوں پر برفباری کی پیشگوئی کی گئی ہے۔
سندھ کے بالائی اضلاع میں چند مقامات پر بارش کاامکان ہے،کشمیر اورگلگت بلتستان میں بارش اور برفباری کی توقع ہے۔ محکمہ موسمیات کے مطابق خیبرپختونخوا کے بالائی علاقوں میں لینڈ سلائیڈنگ کا خدشہ ہے۔ بارش اور برفباری کے دوران سیاحوں کو محتاط رہنے اور غیر ضروری سفر سے اجتناب کرنے کی ہدایت کی گئی ہے۔
محکمہ موسمیات کے مطابق کل سے ملک کے بالائی علاقوں میں مزید بارشوں کا امکان ہے۔ مری، گلیات، ناران، کاغان، دیر، سوات، ایبٹ آباد، شانگلہ، استور، ہنزہ، اسکردو، کوہستان، مانسہرہ، وادی نیلم، باغ، پونچھ اور حویلی میں بارش ہونے کی توقع ہے۔