پری میچ کانفرنس منسوخی : پاکستان کا ایشیا کپ کے بائیکاٹ کی طرف اشارہ

پاکستان ٹیم جو اس وقت ایشیا کپ میں کھیل رہی ہے انہوں نے آج اپنی پری میچ کانفرنس کینسل کردی، جس سے اس گمان کو تقویت مل رہی ہے کہ پاکستان کرکٹ بورڈ ایشیا کپ کا بائیکاٹ کرے گا۔

کل پاکستان کا مقابلہ یو اے ای کی ٹیم سے ہے اور آج دونوں کپتانوں کی پری میچ کانفرنس ہونی تھی تاہم عین وقت پر پاکستان ٹیم مینجمنٹ نے کانفرنس کے لیے کسی کو نہیں بھیجا۔

واضح رہے کہ چیئرمین پی سی بی محسن نقوی یہاں تک کہہ چکے ہیں کہ اگر آئی سی سی میچ ریفری اینڈی پائی کرافٹ کو ٹورنامنٹ سے نہیں ہٹائے گا تو پاکستان کی ٹیم ٹورنامنٹ میں مزید حصہ نہیں لے گی۔