۔۔۔ اور ثانیہ مرزا کورٹ میں بیٹے کے سامنے رو پڑیں

۔۔۔ اور ثانیہ مرزا کورٹ میں بیٹے کے سامنے رو پڑیں

میلبرن: عالمی شہرت یافتہ ٹینس اسٹار ثانیہ مرزا کا خواب چکنا چور ہوا تو وہ فرط جذبات سے کورٹ میں رو پڑیں۔

ٹینس اسٹار ثانیہ مرزا کاانٹرنیشنل ٹینس سے ریٹائرمنٹ کا اعلان

واقعات کے مطابق عالمی شہرت یافتہ پاکستانی کرکٹ آلراؤنڈر شعیب ملک کی اہلیہ اور بھارت کی ٹینس اسٹار ثانیہ  مرزا اپنی زندگی کا آخری گرینڈ سلیم کھیلنے جب آسٹریلیا کے کورٹ میں اتریں تو انہوں نے اس سے قبل اعلان کیا کہ یہ ان کا آخری گرینڈ سلیم ہے۔

ثانیہ مرزا کا ٹینس سے ریٹائرمنٹ کا اعلان

دلچسپ امر ہے کہ ثانیہ مرزا اپنا آخری گرینڈ سلیم جیت کر کورٹ سے نکلنا چاہتی تھیں کیونکہ یہ میچ دیکھنے کے لیے ان کا بیٹا بھی موجود تھا۔

ثانیہ مرزا، شعیب ملک کی زندگی کی سپر وویمن

افسوسناک امر ہے کہ ثانیہ مرزا کی یہ خواہش پوری نہیں ہوئی اور ان کا خواب اس طرح چکنا چور ہوا کہ وہ  آسٹریلیائی اوپن 2023 کے مکسڈ ڈبلز فائنل میں اپنی ساتھی روہن بوپنا کے ساتھ یہ میچ ہار گئیں جب کہ برازیل کی لوئیسا اسٹیفنی اور رافیل میٹوس کی جوڑی نے 6-7، 2-6 سے کامیابی حاصل کر لی۔

عالمی ذرائع ابلاغ کے مطابق ثانیہ مرزا جب رنر اپ ٹرافی لینے پہنچیں تو کورٹ میں موجود تما افراد نے کھڑے ہو کر ان کا استقبال کیا اور انہیں ٹینس کورٹ سے الوداع کہا۔

ثانیہ مرزا پاکستان میں کس کیساتھ ٹینس کھیلتی رہیں ؟

ثانیہ مرزا نے اس موقع پر جب الوداعی خطاب کرنے کی کوشش کی تو ان کا گلا رندھ گیا، آواز بھرا گئی اور فرط جذبات سے وہ رو پڑیں۔ اس وقت کورٹ میں موجود تمام افراد نے تالیاں بجا کر انہیں خراج تحسین پیش کیا۔

ثانیہ مرزا نے اپنے کیریئر کو یاد کرتے ہوئے کہا کہ میرا سفر 2005 میں میلبرن سے شروع ہوا تھا اس وقت میں 18 سال کی تھی اور سرینا ولیمز کے خلاف کھیلی تھی۔

انہوں نے کہا کہ راڈ لیور ایرینا ہمیشہ میرے لیے خاص رہا ہے، میرے آخری گرینڈ سلیم کے لیے اس سے بہتر جگہ ہو ہی نہیں سکتی تھی۔

پلیز یہ سوال نہ پوچھیں، ثانیہ مرزا کس سوال سے تنگ ہیں؟

ثانیہ مرزا کا کہنا تھا کہ میں نے کبھی نہیں سوچا تھا کہ میں اپنے بیٹے کے سامنے گرینڈ سلیم کھیلوں گی، اگر میں اس وقت روتی ہوں تو اسے خوشی کے آنسو سمجھیے۔ میں اسٹیفنی اور میٹوس سے اس لمحے کو چھیننا نہیں چاہتی جس کی وہ حقیقتاً مستحق ہیں۔

شعیب ملک، ثانیہ مرزا کو یو اے ای کا گولڈن ویزہ مل گیا

گرینڈ سلیم کیریئر کے اختتام پر ثانیہ مرزا کے خاوند اور پاکستانی کرکٹر شعیب ملک نے سماجی رابطوں کی ویب سائٹ ’ ٹویٹر‘ پر جاری کردہ اپنے بیان میں کہا کہ آپ اسپورٹس ویمن کیلئے ایک بہت بڑی امید ہیں، آپ نے اپنے کیریئر میں جو کچھ حاصل کیا مجھے اس پر فخر ہے۔

شعیب ملک نے لکھا کہ آپ بہت سے لوگوں کیلئے ایک انسپیریشن ہیں، آپ اسی طرح مضبوط رہیں ناقابل یقین کیریئر پر ڈھیروں مبارک باد۔

ثانیہ مرزا، شعیب ملک کی زندگی کی سپر وویمن

واضح رہے کہ عالمی شہرت یافتہ ٹینس اسٹار ثانیہ مرزا اپنا آخری انٹرنیشنل ایونٹ فروری میں دبئی میں کھیلیں گی۔


متعلقہ خبریں