ملکہ برطانیہ اور شہزادے کے درمیان ایسا کیا چل رہا تھا کہ شہزادے کو ملک بدر ہونا پڑا؟ اندرونی کہانی سامنے آگئی

شاہی عہدہ چھوڑنے کے اصرار پر ولی عہد شہزادہ چارلس نے بیٹے ہیری کو خبردار کیا ہے کہ انہیں 23 لاکھ پاونڈ سالانہ ملنے والی رقم بند کر دی جائے گی۔

برطانوی میڈیا کے مطابق ملکہ برطانیہ اور شہزادہ چارلس کو اپنے روٹھے ہوئے بیٹے ہیری سے کرسمس کے موقع پر فون کر کے ان کے پروگرام سے متعلق دریافت کرنا پڑا تھا جبکہ محل کےعملے کی جانب سے ملکہ کو تجویز دی گئی تھی کہ صبر سے کام لیں۔ شہزادہ ہیری کینیڈا منتقل ہونے کے بارے میں اپنے چند قریبی دوستوں سے پچھلے کچھ عرصے کے دوران پوچھتے رہے ہیں۔

تفصیلات کے مطابق شہزادے کی سیکیورٹی پر اب بھی برطانوی عوام کو چھ لاکھ پاونڈ سالانہ خرچ کرنا پڑیں گے جب کہ سفر پر سوا لاکھ پاونڈ علیحدہ سے خرچ کرنے ہوں گے اور ساتھ ہی انہیں سوا دو ملین پاونڈ شہزادہ چارلس کی چیریٹی سےآمدنی ہوگی۔

تاہم اس متعلق شاہی خاندان کے ایک محافظ نے شہزادہ ہیری کو تنبیہ کی ہے کہ وہ اپنی ماں لیڈی ڈیانا سے کچھ سبق حاصل کریں اور سیکیورٹی کے لیے اسکاٹ لینڈ یارڈ پربھروسہ رکھیں، کیونکہ سیکیورٹی کم ہونے کی وجہ سے ہی ڈیانا کی موت واقع ہوئی تھی۔

دوسری جانب موجودہ صورتحال کے سبب ڈیوک اور ڈچز کے میوزیم میں ملکہ برطانیہ اور شہزادہ ولیم کے ساتھ رکھے گئے مجمسے بھی الگ کردیے گئے ہیں۔