ٹک ٹاک گرل حریم شاہ نے اپنا پہلا ویڈیو سانگ نخرے باز شئیر کر دیا۔ سنگر ارباز خان اور خاتون ریپر ایش چغتائی کے گانے کی اس ویڈیو میں حریم شاہ اور ان کی دوست صندل خٹک موجود ہیں۔
حریم شاہ نے سماجی رابطے کی ویب سائٹ ٹوئٹر پرگانے کی ویڈیو شئیر کرتے ہوئے لکھا کہ یہ میرا پہلا ویڈیو سانگ ہے، امید ہے سب کو یہ پسند آئے گا اور آپ سب اس سے لطف اندوز ہوں گے۔
ٹوئٹر پر حریم شاہ کی اس ویڈیو کو اب تک تیس ہزار سے زائد لوگ دیکھ چکے ہیں، جبکہ لوگوں کی بڑی تعداد نے ان کے اس گانے پر تنقید بھی کی ہے۔
خیال رہے کہ حریم شاہ اپنی متنازعہ ٹک ٹاک ویڈیوز کے سبب جن میں سیاسی، مذہبی اور سماجی شخصیات کے ساتھ بنی ویڈیوز سرِ فہرست ہیں، کی وجہ سے خبروں کی زینت بنی رہتی ہیں۔ لوگوں کی جانب سے اِنہیں شدید تنقید کا نشانہ بھی بنایا جاتا ہے جبکہ اس رہن سہن کے حوالے سے ان کے والد نے کافی دکھ کا اظہار کیا تھا۔