رواں سال شہرِ قائد میں سردی کا دورانیہ خاصہ طویل رہا تاہم اب سردیاں تقریباً جا چکی ہیں۔
گزشتہ دو روز سے کراچی کا موسم گرم ہے جبکہ آج پیر کے روز شہر کا درجہ حرارت صبح کے وقت 19 ڈگری سینٹی گریڈ رکارڈ کیا گیا جو کہ 31 ڈگری سینٹی گریڈ تک جانے کا امکان ہے۔
رواں ہفتے کراچی کا کم سے کم درجہ حرارت 16 جبکہ شہر کا زیادہ سے زیادہ درجہ حرارت 32 ڈگری سینٹی گریڈ تک رہنے کا امکان ہے۔
تفصیلات کے مطابق کراچی میں اِس سال سردیوں کی طرح، گرمیوں کا دورانیہ بھی طویل ہو گا۔ اِس کے علاوہ رواں ہفتے شہر میں صبح اور رات کے وقت ٹھنڈی ہوا چلے گی جِس سے ہلکی سردی محسوس ہو گی۔