گزشتہ ماہ تک مہنگے داموں بِکنے والا ٹماٹر انتہائی کم قیمت میں فروخت ہونے لگا۔
تفصیلات کے مطابق ضلع بدین سمیت سندھ بھر میں ایک ماہ قبل چار سو روپے فی کلو قیمت پر فروخت ہونے والا ٹماٹر 5 روپے فی کلو بکنے لگا جبکہ متعدد کاشتکاروں نے ٹماٹر منڈی میں فروخت کی بجائے کچرے کے ڈھیر میں پھینک دئیے۔
کاشتکاروں کے مطابق 'اب انہیں ٹماٹر کی اتنی قیمت بھی نہیں ملتی کہ کھیت سے منڈی تک فراہمی کا کرایہ پورا ہو سکے۔ اس لیے صوبے کے بیشتر مقامات پر اب ٹماٹر مویشیوں کی خوراک بن گئے ہیں'۔
کاشتکاروں کا کہنا ہے کہ 'خریدوفروخت میں عدم توازن، حکومتی عدم توجہی کے باعث ٹماٹر کے کاشتکاروں کی اکثریت اور زرعی شعبہ تباہی سے دوچار ہے'۔