كپتان پشاوری چپل سے مقبولیت پانے والے چاچا نورالدین کی جانب سے پشاور زلمی کے کپتان ڈیرن سیمی، لیام ڈاسن اور لیونگسٹن کو پشاوری چپل کا تحفہ پیش کیا گیا جسے غیر ملکی کرکٹرز نے بہت پسند کیا ۔ ڈیرن سیمی نے چاچا نور الدین کا شکریہ ادا کرتے ہوئے کہا کہ مجھے پشاوری چپل بہت پسند آئی۔
اس سے قبل چاچا نور الدین گزشتہ سال پاکستان سپر لیگ 4 کے دوران بھی پشاور زلمی كے كپتان ڈیرن سیمی كو كپتان چپل بطور تحفہ پیش كر چكے ہیں۔
علاوہ ازیں چاچا نور الدین نے پشاور زلمی کے دیگر کرکٹرز شعیب ملک اور امام الحق کو بھی پشاوری چپل بطور تحفہ پیش کی۔
واضح رہے کہ پشاوری چپل پشتون ثقافت کی اہم پہچان ہے اور ملک بھر میں اسے بے حد پسند کیا جاتا ہے، وزیراعظم عمران خان سمیت دیگر سیاسی شخصیات بھی پشاوری چپل پہننا پسند کرتی ہیں۔