عورت مرد کا سہارا لئے بغیر خود بھی کھڑی ہوسکتی ہے، ایک مرد کا سہارا پھر دوسرے مرد کا سہارا۔۔۔ سونیا حسین نے ایسا کیوں کہا؟

پاکستان کی خوبرو اداکارہ سونیا حسین نے ایک پروگرام میں شرکت کی جس میں انہوں نے ڈرامہ میرے پاس تم ہو کے حوالے سے بات کرتے ہوئے کہا کہ 'عورت مرد کے سہارے کے بغیر خود بھی کھڑی ہوسکتی ہے، میرے پاس تم ہو کو بہت لوگوں نے پسند کیا'۔

اداکارہ نے ڈرامے میں عائزہ خان کی اداکاری کو بھی خوب سراہا۔ ان کا مزید کہنا تھا کہ 'کردار اچھا ہو یا برا وہ ایک کردار ہی ہوتا ہے۔ آئٹم سانگ عوام دیکھنا چاہتی ہے، آئٹم سانگ والی فلمز کو زیادہ پسند کیا جاتا ہے۔ میں نے یہ نہیں کہا کہ میرے پاس تم ہو کے ڈرامے میں عورت کے کردار کو برا دکھایا گیا، عورت مرد کے سہارے کے بغیر خود بھی کھڑی ہوسکتی ہے، مجھے اعتراض صرف یہ تھا کہ ایک مرد کا سہارا پھر دوسرے مرد کا سہارا'۔

سونیا حسین نے کہا کہ 'میں اسکرپٹ دیکھنے کے لیے 2 مہینے کا وقت لیتی ہوں غور کرتی ہوں، خواتین کے لیے آواز اٹھانے پر نہ جانےکیوں اعتراض ہوتا ہے۔ خواتین کے حقوق کے حوالے سے ہونے والے مارچ میں کچھ زیادہ ہی ہوگیا تھا'۔