شعیب اختر کے وسیم اکرم کا مذاق اڑانے پر شنیرا کا کرارا جواب، کیا کہا؟ جانیں

قومی کرکٹ ٹیم کے سابق فاسٹ باؤلر شعیب اختر کو سابق آف اسپنر ثقلین مشتاق اور سابق کپتان وسیم اکرم کا مذاق اُڑانا مہنگا پڑگیا۔

سوشل میڈیا ویب سائٹ انسٹاگرام پر شعیب اختر نے دونوں سابق کرکٹرز کی بھیس بدلی ہوئی تصویریں شئیر کرتے ہوئے لکھا کہ قرنطینہ نے کچھ لوگوں کی کیا حالت بنا دی ہے۔

شعیب اختر کی اس پوسٹ کے جواب میں وسیم اکرم کی اہلیہ شنیرا اکرم بھی میدان میں آگئیں اور ان کی بھی ایک فوٹو شاپ کی ہوئی تصویر شئیر کرتے ہوئے طنزیہ طور پر لکھا کہ شعیب اختر آپ بتائیں کہ آپ کے پاس کیا بہانہ ہے؟

View this post on Instagram

In response to your recent post @imshoaibakhtar , if our excuse is quarantine, then what was yours ? #Sigh #ThisWasTakenWayBeforeQuarantine #DontThrowFastBallsInTheHouse #TheQuarantineEffect #DontBlameTheQuarantine 🤪

A post shared by Shaniera Akram (@iamshaniera) on Apr 7, 2020 at 6:06am PDT

وسیم اکرم کی اہلیہ شنیرا کی پوسٹ پر لکھے گئے ہیش ٹیگز سے صارفین خوب محظوظ ہورہے ہیں، مداح ان کے زبردست کم بیک پر ان کو سراہ ہی رہے تھے کہ شعیب اختر نے بھی کمنٹ کر کے اپنا ردعمل دے دیا۔

شنیرا کی جانب سے شئیر کی گئی تصویر کو شعیب اختر فوٹو شاپ کی ایک بُری ایڈیٹنگ کہتے ہوئے کہا کہ میں اس سے بہتر کم بیک کی توقع کر رہا تھا۔

سابق فاسٹ باؤلر کی اس پوسٹ پر ان کے مداحوں کی بڑی تعداد نے کمنٹ کرکے ان کی پوسٹ پر ردعمل دیتے ہوئے زیادہ تر مداحوں نے انہیں تنقید کا نشانہ بھی بنایا۔