ویسٹ انڈیز کے مایہ ناز سابق فاسٹ باؤلر مائیکل ہولڈنگ نے دنیائے کرکٹ کے چار بہترین گیند بازوں کے نام ظاہر کر دئے۔
مائیکل ہولڈنگ کی جانب سے منتخب کئے گئے دنیا کے چار بہترین فاسٹ باؤلرز کی فہرست میں ویسٹ انڈیز کے میلکم مارشل، اینڈی رابرٹس، آسٹریلیا کے ڈینس للی جبکہ جنوبی افریقہ کے اسٹار باؤلر ڈیل اسٹین شامل ہیں۔
مائیکل ہولڈنگ کا کہنا ہے کہ میلکم مارشل، اینڈی رابرٹس اور ڈینس للی کے ہمراہ کھیلنے کا تجربہ ہے جبکہ ڈیل اسٹین کو صرف کھیلتے ہوئے دیکھا ہے لیکن انہیں فہرست سے باہر نہیں کیا جا سکتا۔
سابق لیجنڈری باؤلر کے مطابق ڈینس للی کے پاس گیند کی رفتار پر قابو اور جارح مزاجی سب کچھ تھا جبکہ میلکم مارشل مخالف بلے بازوں کی تکنیک کو جلد سمجھ جاتے تھے۔
مائیکل ہولڈنگ کا مزید کہنا تھا کہ اینڈی رابرٹس سے میں نے بہت کچھ سیکھا ہے۔
واضح رہے کہ مائیکل ہولڈنگ نے 12 سال تک ویسٹ انڈیز کی نمائندگی کی جبکہ ٹیم کے لئے 391 وکٹیں حاصل کر چکے ہیں۔