وفاقی وزیر برائے سائنس اور ٹیکنالوجی فواد چوہدری کا کہنا ہے کہ قمری کلینڈر کے حساب سے عید 24 مئی کو ہوگی۔
فواد چوہدری نے کہا ہے کہ مفتی منیب الرحمان اور مفتی پوپلزئی الگ الگ راستے پر کھڑے ہیں کیونکہ چاند کسی کے کہنے پر اپنا مدار تبدیل نہیں کرتا، ایسی صورت میں رویت ہلال کمیٹی کی کوئی عملی اہمیت باقی نہیں ہے، ناسا نے کہا چاند پر لمبا عرصہ رہنے کے لئے مشین بھیجیں گے، مستقبل میں مولوی صاحبان کے لیے چاند پر عید کرنا بڑا چیلنج ہوگا۔
وفاقی وزیر کے مطابق حکومت ہمیشہ کہتی ہے جو وقت گزر جائے اچھا ہے،کورونا وائرس سے متعلق پاکستان میں حالات کنٹرول میں ہیں، ملک میں اس وقت 47 مریض وینٹی لیٹرز پر ہیں، آبادی زیادہ ہے اگر وائرس نے شدت اختیار کی تو مشکل ہوسکتی ہے۔
واضح رہے فواد چوہدری نے اوورسیز پاکستانی صحافیوں سے ویڈیو لنک کے ذریعے مٹینگ کی۔