نیپال کے دارالحکومت کھٹمنڈو میں لوکلا ائیرپورٹ ہے جو ویسے تو ایک عام سی فضائی پٹی ہے مگر جب وہاں جائیں یا کوئی طیارہ لینڈنگ کرنے لگے تو دل کی دھڑکنیں رک جاتی ہیں یوں معلوم ہوتا ہے اب موت کی گھاٹی میں سفر ہوگا۔
آخر ایسی کیا بات ہے اس ائیرپورٹ میں کہ اسے دنیا کا سب سے خطرناک ایئر پورٹ کہا جاتا ہے؟
لوکلا ائیرپورٹ سطح سمندر سے 2800 میٹر بلندی پر واقع ہے اس ایئر پورٹ کی رن وے پانچ سو میٹر لمبا ہے اور اس کا اختتام ایک گہری کھائی پر ہوتا ہے۔ جہاں طیارہ اتارنے کے دوران کوئی پائلٹ ذرا سی بے احتیاطی کردے تو مسافر سیدھے دو ہزار فٹ گہری کھائی میں جا گریں گے اور یہ ممکن نہیں کہ کسی کا کوئی سراغ بھی دوبارہ مل سکے۔
اس رن وے کا ایک حصہ کھائی پر ختم ہوتا ہے جبکہ دوسرے حصے کے اختتام پر ایک بڑی دیوار ہے اور اس رن وے پر 11 ڈگری کی ڈھلان ہے جو طیارے کو بریک لگانے میں مدد دیتی ہے اور ایسا نہ ہو تو وہاں لینڈنگ کرنا محض کھائی میں جا گرنے کے برابر ہے۔
یہ اتنا خطرناک ائیر پورٹ ہے کہ اس پر رات کے وقت کسی قسم کی کوئی بھی فلائٹ لینڈ کروانا دوہرے خطرے کو مول لینا ہے۔
اور رات کے وقت اس پر لینڈنگ نہایت تجربے کار اور سینئیر پائلٹ بھی اکثر کرتے ہوئے غلطی کر بیٹھتے ہیں اور جان سے ہاتھ دھو بیٹھتے ہیں۔