کورونا وائرس کا زور آہستہ آہستہ ٹوٹ رہا ہے، سینئر ڈاکٹر نے خوشخبری سنادی

عالمی وبا کورونا وائرس نے جہاں پوری دنیا میں دہشت مچا رکھی ہے تو وہیں اس حوالے سے اٹلی کے ایک سینئر ڈاکٹر البرٹو زنگریلو نے اس سے متعلق دعویٰ کیا ہے کہ کووڈ انیس اپنی تباہ کاریوں کے بعد اپنی طاقت کھو رہا ہے۔

احتیاطی تدابیر پر عمل کرنے سے کورونا وبا کی شدت میں آہستہ آہستہ کمی واقع ہورہی ہے۔

ایک نجی ٹی وی چینل سے گفتگو کرتے ہوئے ان کا کہنا تھا کہ حقیقت میں یہ وائرس اب طبی طور پر اٹلی میں موجود نہیں ہے،21 فروری کو اس وبا کے منظر عام پر آنے کے بعد سے اٹلی میں کووڈ 19 سے دنیا بھر میں تیسرے نمبر پر سب سے زیادہ اموات ریکارڈ کی گئیں۔

ڈاکٹر البرٹو زنگریلو کا مزید کہنا تھا کہ کچھ ماہرین کورونا وائرس کی دوسری لہر کی پیشن گوئی سے بھی آگاہ کررہے ہیں اور اس حوالے سے سیاستدانوں کو بھی نئی حقیقت کو مدنظر رکھنے کی ضرورت ہے۔