گذشتہ ہفتے بھارت میں حاملہ ہتھنی کی نہایت اذیت ناک موت ہوئی تھی جس پر دنیا بھر سے بھارت کو سوشل میڈیا پر تنقید کا نشانہ بنایا جارہا تھا۔
لیکن اب حاملہ ہتھنی کی اذیت ناک ہلاکت سے متعلق ابتدائی تحقیقاتی رپورٹ نے سب کو حیران کرکے رکھ دیا۔
تحقیقات سے واضح ہوا ہے کہ ہتھنی کی موت بارود بھرے انناس کھانے سے نہیں بلکہ بارود سے بھرے ناریل کھانے سے ہوئی تھی۔
رپورٹ میں بتایا گیا ہے کہ پوسٹ مارٹم سے پتا چلا کہ ہتھنی نے دو ہفتے قبل ناریل کھایا تھا جس کے باعث اس کے جسم کا اندرونی حصہ بری طرح زخمی تھا اور بدقسمتی سے موت واقع ہوگئی۔
غیرملکی خبررساں ادارے کی رپورٹ کے مطابق کیرالا کے وزارت ماحولیات نے تحقیقات سے متعلق ابتدائی رپورٹ جاری کرتے ہوئے بتایا ہے کہ ہتھنی کی موت غیرارادی طور پر بارودی ناریل کھانے سے ہوئی ہے۔
ان کا مذید کہنا ہے کہ واقعہ ایک حادثہ ہوسکتا ہے کیوں کہ عمومی طور پر گاؤں کے لوگ اپنے کھیتوں کو جانورں سے بچانے کے لیے بارود سے بھرے پھلوں کا استعمال کرتے ہیں جو مکمل طور پر غیرقانونی ہے۔
واضح رہے کہ 6 جون کو حاملہ ہتھنی کی اذیت ناک ہلاکت ہوئی تھی۔