آج کل موٹاپا کسی کو بھی پسند نہیں ہوتا۔ نوجوانوں کے لئے بھی یہ ایک بڑا چیلنج ہوتا ہے کہ پڑھائی کے ساتھ ساتھ وہ کیسے اپنے وزن کو کنٹرول میں رکھیں۔
ایسے ہی ایک نوجوان کی کہانی جانیں جس یونیورسٹی میں زیرِ تعلیم ہے مگر اس کا وزن زیادہ ہونے کی وجہ سے ہر وقت اس کا مذاق اڑایا جاتا تھا اور لوگ اسے وزن کم کرنے کی ٹپس دیا کرتے تھے۔
بھارتی طالبِ علم سشانت شری واستوو نے لوگوں کی باتوں کو انتہائی سنجیدہ لیا اور وزن کم کرنے کی یہ ٹپ استعمال کرنا شروع کردی اور تھوڑے ہی وقت میں ان کا حیرت انگیز طور پر 37 کلو وزن کم ہوگیا۔
سشانت کے مطابق:
٭ ناشتے میں ایک کپ بلیک کافی اور چار ابلے ہوئے انڈے استعمال کئیے۔
٭ دوپہر میں ایک کپ دہی، چار روٹیاں دالوں کے ساتھ اور کم گھی کا پکا ہوا ہری سبزیوں کا سالن کھاتے تھے۔
٭ رات کے کھانے میں بھی چار روٹیاں مگر ابلی ہوئی چکن اور دو انڈے ابلے ہوئے استعمال کئے۔
٭ اس کے ساتھ انھوں نے روزانہ دن میں ایک گھنٹہ کثرت کے لئے وقف کردیا۔
سشانت کہتے ہیں کہ انھوں نے صرف اسی کھانے کو اپنی روٹین بنا لیا اور روزانہ ورزش کی، ان کا وزن آٹھ ماہ میں ہی اتنا کم ہوگیا کہ وہ خود بھی سوچ نہیں سکتے تھے۔