نیوزی لینڈ کے سٹار بنجی مارشل رگبی پلیئر کو اس لئیے قرنطینہ میں جانا پڑا کیونکہ انھوں نے ٹریننگ سیشن کے دوران ایک صحافی کے رخسار پر بوسہ دے دیا۔
اس لئے خدشہ یہ کیا جارہا ہے کہ کہیں ان کو کورونا نہ ہوگیا ہو اور ساتھ ہی رپورٹر کو کورونا ٹیسٹ کروانے کی ہدایت جاری کردی گئی ہیں۔
ان کے اس عمل کو عالمی طور پر سماجی فاصلہ برقرار رکھنے کے اصول کی خلاف ورزی قرار دیا جا رہا ہے۔
ان کے کلب ویسٹس ٹائیگرز نے اعلان کیا ہے کہ بنجی کو ان کے گھر تک محدود رہنے کا کہا گیا ہے جبکہ جس رپورٹر کو بوسہ دیا گیا تھا ان کا کورونا ٹیسٹ کروایا جائے گا۔
رپورٹر مشعل بشپ نے بعد ازاں ٹویٹ کی کہ ’بعض اوقات ہم بالکل بھول جاتے ہیں کہ اس وقت دنیا کس دور سے گزر رہی ہے‘ اور کس طرح کی احتیاط کی ضرورت ہے۔
واضح رہے کہ رگبی پلیئر بنجی مارشل اس وقت ٹریننگ کے سلسلے میں آسٹریلیا میں موجود ہیں۔