کورونا وائرس وہ وبا ہے جس نے دنیا بھر میں تقریبا لاکھوں لوگوں کو متاثر کیا ہے، کچھ لوگ اس سے صحت مند ہو چکے ہیں، کچھ تاحال لڑ رہے ہیں جبکہ کچھ لڑتے لڑتے زندگی کی بازی ہار چکے ہیں۔
اس وائرس سے متاثر ہونے والوں میں ہر عمر کے افراد شامل ہیں لیکن حیران کن طور پر بچے اس وائرس سے بہت کم متاثر ہوئے ہیں۔ ماہرین یہ جاننے کی کوششوں میں ہیں کہ بچے اس وائرس سے اتنے زیادہ متاثر کیوں نہیں ہو رہے۔
سائنسدانوں کا خیال ہے کہ بچوں کو اس لیے اس وبا سے تحفظ مل رہا ہے کیونکہ وہ کافی مرتبہ عام نزلہ زکام کا شکار ہوتے ہیں۔
برطانیہ کے نیشنل اسٹیٹکس کے ڈیٹا سے یہ معلوم ہوا کہ بچوں میں یہ وائرس پھیل سکتا ہے مگر بہت کم میں اس کی نشاندہی ہوتی ہے۔
تاہم طبی ماہرین کے مطابق بچوں میں اس وائرس کے خلاف مزاحمت اس لیے زیادہ ہے کیونکہ ان کا مدافعتی نظام پہلے ہی عام نزلہ زکام سے نمٹنے کے لیے تیار رہتا ہے۔