بھارتی ریاست مدھیا پردیش کے شہر رتلام کے شہری اسلم کی جانب سے یہ دعویٰ کیا گیا تھا کہ اگر وہ کسی بھی شخص کو اس کے ہاتھ پر بوسہ دے گا تو وہ ہر بیماری یہاں تک کہ کورونا وائرس سے بھی محفوظ رہے گا۔
تاہم بھارتی میڈیا نے یہ انکشاف کیا ہے کہ ہاتھوں پر بوسہ دے کر کورونا وائرس کا علاج کرنے والا اسلم خود اس وائرس سے متاثر ہوا اور 24 گھنٹے کے اندر اندر ہی اس کی موت واقع ہوگئی۔
حکام کے مطابق اسلم کے پاس جانے والے 40 افراد میں سے 20 افراد کا کورونا وائرس کا ٹیسٹ مثبت آیا ہے۔
واضح رہے کہ بھارت میں مزید ایسے 29 افراد کی نشاندہی کی گئی ہے جو اسی طرح مختلف طریقوں سے کورونا وائرس کا علاج کرتے ہیں۔