پوری دنیا ابھی کورونا وائرس کے خطرے سے باہر نہیں نکل پائی کہ اب ماہرین کی جانب سے ایک اور پریشان کن پیشن گوئی کردی گئی ہے۔
غیر ملکی خبر رساں ادارے ڈیلی اسٹار کے مطابق ماہرین نے یہ انکشاف کیا ہے کہ آئندہ 10 سال کے اندر چار طرح کے خطرناک ایونٹس (جن سے انسانی آبادی کی بڑی تعداد متاثر ہوگی) ان میں سے کسی ایک کے رونما ہونے کا 33 فیصد امکان ہے۔
ان 4 میں سے سب سے پہلا فلو کی وباء ہے جو عالمی سطح پر پھیلے گی جبکہ یہ فلو سے 20 لاکھ سے زائد لوگوں کی جانیں نگلے گا۔
دوسرا سورج کی سطح سے اٹھنے والے خوفناک طوفان کا زمین پر تباہی پھیلانا، تیسرا سپر آتش فشاں کا پھٹنا اور چوتھا تیسری عالمی جنگ چھڑ جانا ہیں۔
ماہرین کے مطابق آئندہ 10 سالوں میں ان میں سے کوئی ایک واقعہ رونما ہونے کا 33 فیصد امکان ہے، جبکہ آئندہ 20 سالوں میں یہ امکان 56 فیصد ہوگا۔