مدینہ میں خوفناک ٹریفک حادثہ، زخمیوں کو بروقت طبی امداد فراہم، سعودی نرس نے مثال قائم کردی

سچ ٹی وی  |  Aug 09, 2020

تفصیلات کے مطابق مدینہ منورہ کی الحناکیہ گورنری میں المحفر ہیلتھ سینٹر میں فرائض انجام دینے والی نرس خلود الصمعدی نے بتایا کہ وہ ڈیوٹی ختم کرکے واپس جا رہی تھی کہ راستے میں ایک کار حادثہ دیکھا جس میں متعدد افراد زخمی ہوگئے تھے۔

خلود الصمعدی کا کہنا تھا کہ میری گاڑی میں ابتدائی طبی امداد کا سامان ہر وقت موجود ہوتا ہے اور اس وقت میں اپنی گاڑی روک کر فوری طور پر متاثرہ افراد کو ابتدائی طبی امداد دی اور زخمیوں کی مرہم پٹی کی۔

انہوں نے بتایا کہ ہلال احمر کی ٹیم کے پہنچنے تک وہ زخمیوں کو ابتدائی طبی امداد دے کر ان کی زندگی بچانے میں کامیاب ہوگئی تھیں۔

مدینہ منورہ کے شعبہ صحت کے ترجمان معید ابوعنق نے سعودی نرس خلود کے جذبے کو سراہتے ہوئے کہا کہ ان جیسے نوجوان سعودی قوم کے ہیرو ہیں جو اپنی جانوں کی پروا کیے بغیر دوسروں کو مشکل سے نکالنے میں ان کی مدد کرتے ہیں۔

انہوں نے بتایا کہ مدینہ منورہ کے ڈائریکٹر جنرل برائے صحت ڈاکٹر محمد الخلاوی نے ٹیلیفون پر نرس خلود الصمعدی سے بات کرکے متاثرہ خاندان کی مدد کرنے پر ان کا شکریہ ادا کیا اور حوصلہ افزائی کی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More