پاکستان کرکٹ ٹیم کے سابق کپتان شاہد خان آفریدی نے یوم آزادی کی مناسبت سے 14 اگست کی تیاریاں مکمل کرلیں۔
سماجی رابطے کی ویب سائٹ ٹوئٹر پر واضح دیکھا جاسکتا ہے کہ شاہد آفریدی نے اپنے گھر کی چھت پر پاکستان کا جھنڈا نصب کیا ہوا ہے اور ساتھ خود شاہد آفریدی بھی کھڑے دکھائی دے رہے ہیں۔
سابق کپتان نے ناصرف پاکستان کا جھنڈا لگایا بلکہ ساتھ ہی جموں اور کشمیر، ترکی اور فلسطین سے اظہار یکجہتی کرتے ہوئے ان ممالک کا جھنڈا بھی لگایا۔
شاہد آفریدی کی رہائش گاہ پر عام طور پر بھی پاکستان کا جھنڈا لہراتا رہتا ہے تاہم یوم آزادی کے موقع پر بوم بوم نے دیگر مصائب کا شکا ممالک کے ساتھ بھی اظہار یکجہتی کرتے ہوئے جھنڈے لگائے۔