کورونا وائرس: پاکستان میں ڈاکٹرز نے وبا کے بارے میں نئی پیشن گوئی کردی

ہماری ویب  |  Aug 19, 2020

چین اور اٹلی سے شروع ہونے والی عالمی وبا کورونا وائرس نے پاکستان سمیت دنیا کے متعدد ممالک کو اپنی لپیٹ میں لیا ہوا ہے، وبا کے پشِ نظر پاکستان میں تقریباً چھ ماہ سے لاک ڈاؤن کی صورتحال برقرار تھی تاہم اب اس لاک ڈاؤن میں نرمی کی جا چکی ہے اور جلد ہی اسکول، کالجز اور یونیورسٹیز کھولے جانے کا امکان ہے۔

لاک ڈاؤن میں نرمی کے بعد عوام اور حکومت دونوں کو ڈاکٹرز اور طبی ماہرین کی جانب سے خبردار کردیا گیا ہے کیونکہ ملک میں اچانک کیسز میں اضافہ ہوا ہے۔

پاکستان کے صوبہ بلوچستان میں کورونا سے متاثرہ مریضوں کی تعداد میں واضح اضافہ نظر آیا ہے، جس سے ماہرین نے وبا کی نئی لہر آنے کا امکان ظاہر کیا ہے۔

ترجمان بلوچستان حکومت لیاقت شاہوانی نے پریس کانفرنس کی جس میں ان کا کہنا تھا کہ 'بلوچستان میں کورونا کیسز میں اضافہ ہوا ہے، ڈیڑھ ماہ سے وبا میں کمی کا رحجان رہا، ماہرین بھی نئی لہر کا اندیشہ ظاہر کر رہے ہیں، جس کے پیش نظر احتیاطی تدابیر پر عملدرآمد پر سختی کا اعلامیہ جاری کیا گیا ہے'۔

انہوں نے بتایا کہ 'تازہ ترین صورتحال کے پیش نظر کوئٹہ میں 355 کیسز رپورٹ ہوئے، 6 دنوں میں کیسز کی شرح 8 فیصد ریکارڈ کی گئی، ڈیڑھ ماہ میں 5 فیصد کم شرح سے کیسز رپورٹ ہورہے تھے'۔

لیاقت شاہوانی نے عوام سے اپیل کرتے ہوئے کہا کہ 'برائے مہربانی عوام احتیاط کریں'۔

واضح رہے پاکستان میں کورونا وائرس کے مصدقہ کیسز کی تعداد 290214 ہے جبکہ 6198 افراد اس وائرس کے سبب اپنی جانیں گنوا بیٹھے ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More